Viki Miljković imala je koronavirus, pa je sada progovorila o svojoj borbi.
Pored Viki, bili su zaraženi i njen suprug Dragan Tašković Taške i sin Andrej (13).
-Završili smo sa karantinom prije 7, 8 dana. Imali smo lakše simptome, prošli smo dobro, ja sam imala temperaturu samo dva sata, Andrej isto jedno dva sata, Taške je dva dana imao temperaturu i početak uplae pluća, kod njega je to bilo malo kompleksnije, ali ništa strašno. Mi smo se mnogo čuvali sve vrijeme, nosili smo maske, čak u kući imamo dio za dezinfekciju, jedan pult gdje stoje rukavice, asepsol, maske – počela je priču Viki u Jutarnjem programu na “Prva TV”.
Pjevačica je priznala da je teško podnijela saznanje da je zaražena.
-Teški su ti momenti, kad smo saznali da smo zaraženi Taške i ja, ja sam počela da plačem. Andrej tada još nije ispoljavao simptome, i dijete dolazi kod nas u sobu sa maskom, uplašen, uspaničen, gleda nas, mi mu govorimo da ne ulazi, on stavi masku i sjedne i gleda u nas tužno i pita: “Hoće li vama biti ok, ništa vam se neće desiti?”. Ja sam počela da plačem – iskreno je ispričala Viki.
Ona je otkrila i na koji način su se snadbjevali hranom i lijekovima.
-Mi živimo u Beogradu na vodi i pozdrav za recepcionare i apoteku koja je u našoj zgradi, imali smo tamo otvoren račun u apoteci, nismo ništa plaćali tada, već tek kad smo preležali koronu, maltene na recku su nam davali sve te neophodne lijekove, mnogo smo im zahvalni. Apotekarke su nam sve slale, ostave na recepciji, i recepcioneri donesu nama do vrata, ostave ispred, mi poslije par minuta uzmemo. Hranu smo naručivali sa svih mogućih aplikacija – rekla je Viki Miljković.